त्रिपल जम्पमा शिलालाई स्वर्ण

दाङ  । आठौं राष्ट्रिय खेलकुद अन्तर्गत एथ्लेटिक्सको महिला त्रिपल जम्पमा एपीएफ क्लबकी शिला चौधरीले स्वर्ण पदक जितेकी छिन् ।

दाङको बेलझुन्डीमा आइतबार ११.१४ मिटर जम्प गर्दै शिलाले स्वर्ण जितेकी हुन् । शिलाको यो दोस्रो स्वर्ण हो । यसअघि शिलाले हाईजम्पमा पनि स्वर्ण जितेकी थिईन् ।

महिला त्रिपल जम्पमा प्रदेश ५ की पुजा चौधरीले १०.५० मिटर जम्प गरेर रजत जित्दा प्रदेश ५ कै सिमा चौधरीले १०.३७ मिटर जम्प गर्दै कास्य जितिन् ।

पुरुष त्रिपल जम्पमा प्रदेश ३ क युवा महतोले १४.६० मिटर जम्प गर्दै स्वर्ण पदक जिते । आर्मीका दिल्ली खत्रीले १३.९८ मिटरसहित रजत र आर्मीका आशिष चौधरीले १३.९० मिटरसहित कास्य जिते ।