सुदूरका आशिषले ट्रिपलजम्पमा तोडे ३६ वर्षे कीर्तिमान

काठमाडौँ। सुदूरपश्चिम प्रदेशका आशिष महरले १४औँ केन्द्रीयस्तरीय राष्ट्रपति रनिङ शिल्डअन्तर्गत छात्र ट्रिपलजम्पमा ३६ वर्षअघिको जुनियर राष्ट्रिय कीर्तिमान भंग गर्दै स्वर्ण जितेका छन्। 

त्रिपुरेश्वरस्थित दशरथ रंगशालामा बिहीबार १४.१९ मिटर जम्प गर्दै गर्दै उनले कीर्तिमान भंग गरेका हुन्। आशिषले २०४४ सालमा धनवीर चौधरीले बनाएको १४.०६ मिटरको कीर्तिमान तोडेका हुन्। 

प्रतियोयगिता स्थलमै रहेका धनवीरले आशिषलाई प्रोत्साहनस्वरूप नगद पनि प्रदान गरेका थिए। बागमती प्रदेशका विशाल गुरुङ दोस्रो तथा लुम्बिनी प्रदेशका विजय थारु तेस्रो भए।

सो स्पर्धाको छात्रामा लुम्बिनीकी अनिशा थारु पहिलो भइन्। अनिशाले १०.५७ मिटर जम्प गरिन्। सुदूरपश्चिमकी रेनुका ऐर दोस्रो तथा बागमतीकी अपेक्षा महतो तेस्रो भए।