आर्मी र प्रदेश ५ भिड्ने

नेपालगंज । आठौं राष्ट्रिय खेलकुद अन्तर्गत राष्ट्रिय कबड्डीको पुरुषमा आर्मी र प्रदेश ५ उपाधिका लागि भिड्ने भएका छन् ।

बर्दियाको बाँसगढी कबड्डी एकेडेमीमा भएको सेमिफाइनलमा आर्मीले गण्डकीलाई ३८–२१ तथा प्रदेश ५ ले एपीएफलाई ३५–२८ ले पराजित गरे ।

महिलाको फाइनलमा आर्मी र पुलिसले खेल्ने छन् । आर्मीले सुदूरपश्चिम प्रदेशलाई ४९–१७ तथा पुलिसले प्रदेश ५ लाई ३४–२४ ले हराए । फाइनल बुधबार हुनेछ ।