बाँके । आठौं राष्ट्रिय खेलकुद अन्तर्गत साइक्लिङको पुरुष क्रस कन्ट्रीमा आर्मीका ओकेश राज बज्राचार्यले स्वर्ण जितेका छन् ।
निर्धारित दुरी १ घण्टा २५ मिनेट ०९ सेकेन्डमा पुरा गर्दै ओकेश च्याम्पियन बनेका हुन् । आर्मीकै हिमाल टमाटाले रजत जिते । उनले निर्धारित दुरी १ घण्टा २६ मिनेट ०६ सेकेन्डमा पुरा गरे । गण्डकी प्रदेशका हिक्मत बिकेले १ घण्टा २६ मिनेट ४४ सेकेन्डमा निर्धारित दुरी पुरा गर्दै कश्य पदक हात पारे ।
बाँकेको बैजनाथ गाउँपालिका गाभरमा भएको प्रतियोगितामा महिला स्पर्धामा प्रदेश तीनकी लक्ष्मी मगरले स्वर्ण जितिन् । उनले निर्धारित दुरी १ घण्टा २० मिनेट ५२ सेकेन्डमा पुरा गर्दै स्वर्ण जितिन् ।
त्यस्तै प्रदेश एककी उषा खनालले रजत जितिन् । उनले निर्धारित दुरी १ घण्टा ३३ मिनेट ३८ सेकेन्डमा पुरा गरिन् । प्रदेश तीनकी निर्जला ताम्राकारले निर्धारित दुरी १ घण्टा ३५ मिनेट ५६ सेकेन्डमा पुरा गर्दै काश्य हात पारिन् ।
