उषा अन्नपूर्ण स्पाइकरको ब्राण्ड एम्बासडर

काठमाडौं । नेपाल भलिबल लिग एनभीएलको फ्रेन्चाइज टोली अन्नपूर्ण स्पाइकर किङ्सले नेपाली राष्ट्रिय महिला भलिबल टोलीकी मुख्य सदस्य उषा भण्डारीलाई आफ्नो ब्रान्ड एम्बासडर नियुक्त गरेको छ ।

सुमिरा स्पोर्ट्स भेन्चरको स्वामित्वमा रहेको अन्नपूर्ण स्पाइकर र उषाबीच तीन वर्षका लागि सम्झौता भएको हो ।

सम्झौता अनुसार उषाले टोलीको प्रचार गतिविधिमा सहयोग गर्नुका साथै अन्नपूर्ण स्पाइकर्ससँग मिलेर नेपाली भलिबलको ग्रासरुट विकासमा काम गर्नेछिन् ।

अन्नपूर्ण स्पाईकर्सका मालिक सुबोध त्रिपाठीले उषासँगको सहकार्यले पुरुष भलिबलको फ्रेन्चाईज लिगको विकासमा सहयोग पु¥याउने बताउदै भलिबल राष्ट्रिय खेल भएकोले नै भलिबल लिगमा पनि हामीले योगदान गर्न सकिन्छ भन्ने उद्देश्य रहेको बताए ।

उषाले पहिलो पटक भलिबलकै लिगमा भलिबल खेलाडी ब्रान्ड एम्बासडर बन्दा खुशी लागेको बताइन् ।

‘पहिलो म अन्य खेलहरु फुटबल, क्रिकेटमा जोडिएको थिए । म आफू पनि गण्डकीमा जन्मिएको र गण्डकीकै टिम अन्नपूर्ण स्पाईकरबाट पनि सुरुमै प्र्रस्ताव आएकोले मैले स्विकार गरेको हो ।’