काठमाडौं । टाइम्स बास्केटबल क्लबलाई खेलकुद सामग्री निर्माता लिनिङ नेपालले प्रायोजन गरेको छ ।
क्लब र लिनिङले मंगलबार दुई बर्षको लागि प्रायोजन सम्झौतामा हस्ताक्षर गरेको छ ।
टाइम्स इन्टनरनेशनल कलेजका अध्यक्ष टिकाराम सापकोटा, लिनिङ नेपालका अध्यक्ष राजन महर्जन र टाइम्स इन्टरनेशनल क्लबका कप्तान सदिश प्रधानले सम्झौता पत्रमा हस्ताक्षर गरेका थिए ।
सम्झौतासंगै लिनिङ नेपालले क्लबलाई दुई बर्षका लागि बास्केटबल सामग्री प्रदान गर्नेछ ।
५ लाख भन्दा बढीको सम्झौता गरेको लिनिङले टाइम्स बास्केटबल क्लबलाई बर्षको दुई पटक जर्सि, जुत्ता, मोजा र बास्केटबल लगायतका सामग्रीहरु प्रदान गर्नेछ ।
टाइम्स बैशाख ७ गतेदेखि सुरु हुने नेपाल बास्केटबल लिग खेल्ने क्लब हो ।
५५ दिनसम्म होम एण्ड अवेका आधारमा खेलाइने नेपाल बास्केटबल लिग नेपाली बास्केटबलकै हालसम्मको ठूलो र लामो लिग प्रतियोगिता हो ।
