ललितपुर । चित्र राईले मानभवन ब्याडमिन्टन क्लब अन्तर सदस्सीय ब्याडमिन्टन प्रतियोगिता अन्तर्गत पुरुष एकलको समूह 'सी' को उपाधि जितेका छन् ।
मानभवन नरपार्कस्थित ब्याडमिन्टन कोर्टमा बिहिबार चित्रले मुना राईलाई पराजित गर्दै उपाधि जिते । चित्रले मुनालाई २१-१४ र २१-११ को सेटमा पराजित गरे ।
यस्तै समूह 'ए' बाट सुजन राई फाइनलमा प्रवेश गरेका छन् । सुजनले रञ्जित घतानीलाई २१-१८ र २१-१५ को सेटमा हराए ।
अब सुजनले फाइनलमा हेमन्त थेबसंग खेल्ने छन् । हेमन्तले मुकुन्द ढुंगानालाई २१-१७ र २२-१० सेटमा पराजित गरे ।
समूह 'बी' को डबल्समा तारा राई र अमर सुनुवारको जोडीले जित हात पारे ।
मानभवन ब्याडमिन्टन क्लबको आयोजनामा जारी प्रतियोगिता शनिबार सम्म चल्ने छ । प्रतियोगितामा एकल, युगल र मिक्स डबल्समा प्रतिस्पर्धा भईरहेको छ ।
प्रतियोगिताको विजेताले नगदसहित ट्रफी, मेडल र प्रमाणपत्र प्राप्त गर्ने छन् ।
