बाल मुकुन्द र हेमन्त क्वाटरफाइनलमा

ललितपुर । बाल मुकुन्द ढुंगाना  र हेमन्त थेबे मानभवन ब्याडमिन्टन क्लब अन्तर सदस्सीय ब्याडमिन्टन प्रतियोगिताको पुरुष एकलतर्फ क्वाटरफाइनलमा प्रवेश गरेका छन्  ।

मानभवन नरपार्कस्थित ब्याडमिन्टन कोर्टमा सोमबार समूह 'ए' का बाल मुकुन्दले अमर राईलाई २१-१६ र २१-१४ को सोझो सेटमा परजित गरे ।

यस्तै समूह 'ए' कै हेमन्तले उपेन्द्र गिरीलाई २१-१५, १६-२१ र २१-१५ को सेटमा पराजित गरे ।

समूह 'सी' अन्तर्गत मिश्रित युगलमा चित्र राई र बसन्ता राईको जोडीले उपाधि जितेका छन् ।

उपाधि जिते क्रममा चित्र र बसन्ताको जोडीले हरि दाहाल र राज साम्पाङ राईको जोडीलाई २१-१५, १७-२१ र २१-१४ को सेटमा पाखा लगाए ।

आगामी शनिबार सम्म चल्ने प्रतियोगितामा एकल, युगल र मिक्स डबल्समा प्रतिस्पर्धा भईरहेको छ ।

प्रतियोगिताको विजेताले नगदसहित ट्रफी, मेडल र प्रमाणपत्र प्राप्त गर्ने छन् ।