चित्र र बसन्ताको जोडी फाइनलमा

ललितपुर । चित्र राई र बसन्ता राईको जोडीले मानभवन ब्याडमिन्टन क्लब अन्तर सदस्सीय ब्याडमिन्टन प्रतियोगिताको मिक्स डबल्सतर्फ फाइनलमा स्थान बनाएका छन् ।

मानभवन नरपार्कस्थित ब्याडमिन्टन कोर्टमा शुक्रबार समूह 'सी' तर्फ चित्र र बसन्ताको जोडीले दल बहादुर थापा र मुना राईलाई २१-१५ र २१-११ को सेटमा पराजित गरे ।

यस्तै पुरुष एकलतर्फको समूह 'ए' मा रञ्‍जित घतानीले अनुप बस्नेतलाई २१-१६ र २१-११ को सेटमा पाखा लगाए ।

एकलतर्फ नै समूह 'बि' मा राम बहादुर थापाले यात्री प्रसाद राईलाई २१-९ र २१-११ को सेटमा पराजित गरे ।

आगामी चैत २३ गतेसम्म संचालन हुने प्रतियोगितामा एकल, युगल र मिक्स डबल्समा प्रतिस्पर्धा भईरहेको छ ।

प्रतियोगिताको विजेताले नगदसहित ट्रफी, मेडल र प्रमाणपत्र प्राप्त गर्ने छन् ।