सुजन सेमिफाइनलमा

ललितपुर । सुजन राई मानभवन ब्याडमिन्टन क्लब अन्तर सदस्सीय ब्याडमिन्टन प्रतियोगिताको पुरुष एकलतर्फ सेमिफाइनलमा प्रवेश गरेका छन् ।

मानभवन नरपार्कस्थित ब्याडमिन्टन कोर्टमा बिहिबार समूह 'ए' तर्फ सुजनले विभोर लामालाई २१-१३ र २१-१४ को सेटमा पराजित गरे ।

यस्तै समूह 'ए' मै उपेन्द्र गिरीले सुवास लिम्बुलाई २१-७, १३-२१ र २१-१७ को सेटमा पाखा लगाए । समूह 'सी' मा अमर सिंह सुनारले सन्दीप घिमिरेलाई २१-१७,१३-२१ र २१-१९ को सेटमा हराए ।

समूह 'ए' युगलतर्फ अनुप कुमार बस्नेत र बसन्त कुमार राईको जोडीले बाल मुकुन्द ढुंगाना र रमेश रोक्काको जोडीलाई २१-१५ र २१-१८ को सोझो सेटमा पराजित गर्दै क्वाटरफाइनलमा स्थान बनाए ।

युगलतर्फ नै रंजित घतानी र सुबास लिम्बुको जोडीले कृष्ण श्रेष्ठ र उपेन्द्र गिरीको जोडीलाई १७-२१,२१-१० र २१-१९ को सेटमा हराए ।

यस्तै तारामान राई र अमर सिंह सुनारको जोडीले राम बहादुर थापा र नर बहादुर राईको जोडीलाई २१-१४र २१-१० को सेटमा हराए ।

आगामी चैत २३ गतेसम्म संचालन हुने प्रतियोगितामा एकल, युगल र मिक्स डबल्समा प्रतिस्पर्धा भईरहेको छ ।

प्रतियोगिताको विजेताले नगदसहित ट्रफी, मेडल र प्रमाणपत्र प्राप्त गर्ने छन् ।