आईटीएफ एसिया १२ एन्ड अन्डर टेनिस अप्रिल १३ देखि

काठमाडौं। आईटीएफ एसिया १२ एन्ड अन्डर टेनिस कम्पिटिसन, दक्षिण एसियाली क्षेत्रीय क्वालिफाइङ इभेन्ट १३ अप्रिलदेखि सुरु हुने भएको छ।

नेपाल टेनिस संघको आयोजनामा सातदोबाटोस्थित टेनिस कम्प्लेक्समा हुन लागेको प्रतियोगिता १३ अप्रिलदेखि १७ सम्म चल्नेछ। प्रतियोगितामा दक्षिण एसियाका ७ राष्ट्रमध्ये बंगलादेशबाहेक नेपाल, भुटान, भारत, माल्दिभ्स, पाकिस्तान र श्रीलंका गरी ६ वटा राष्ट्रको सहभागिता रहनेछ ।

सन २०१७ देखि एटिएफले यो कार्यक्रम सञ्चालन गरेको थियो। प्रत्येक वर्ष दक्षिण एसियाका विभिन्न देशमा आयोजना हुने यो अन्तर्राष्ट्रिय प्रतियोगिता यस पटक नेपालमा पाँचौंपटक हुन लागेको हो ।

यसअघि नेपालले सन् २०१७, २०१८, २०२२ र २०२४ मा प्रतियोगिता सफलतापूर्वक सम्पन्न गरिसकेको छ । यो प्रतियोगिता टिम स्पर्धामा प्रतिस्पर्धा हुने छ । टिम स्पर्धामा २ सिंगल्स र १ डबल्स विधामा खेल हुने छ । म्याच जित्न ३ म्याचमध्ये न्यूनतम २ वटा म्याच जित्नु पर्ने छ ।

यस प्रतियोगितामा नेपाल, भारत, माल्दिभ्स, पाकिस्तान र श्रीलंका वाट बोइज/गर्ल्स ३/३ जना र भुटानबाट बोइज ३ जना गरी जम्मा ३३ जना सहभागी हुनेछन्।