राजस्थानलाई चेन्नईको कमजोर लक्ष्य

काठमाडौं। इन्डियन प्रिमियर लिग (आईपीएल) तेस्रो खेलमा राजस्थान रोयल्सले चेन्नई सुपर किङ्सलाई १२७ रनमै अलआउट गराएको छ।

गुवाहाटीको बरसापारा स्टेडियममा राजस्थानका कप्तान रियान परागले टस जितेर पहिले बलिङ रोजेका थिए। चेन्नईका जेमी ओभरटन सर्वाधिक स्कोरर बने। उनले ४३ रन बनाए।

डेब्यू खेल खेलिरहेका कार्तिक शर्माले १८ रन बनाए भने ‘इम्प्याक्ट प्लेयर’का रूपमा मैदानमा उत्रिएका सरफराज खानले १७ रन जोडे। अन्य कुनै पनि ब्याट्सम्यानले १० रनको अंक पार गर्न सकेनन्।

राजस्थानका लागि १७ वर्षपछि आईपीएल खेलिरहेका रविन्द्र जडेजाले २ विकेट लिए। जोफ्रा आर्चर र नान्द्रे बर्गरले पनि समान २–२ विकेट लिए। सन्दीप शर्मा, रवि बिश्नोई र डेब्यू खेलिरहेका बृजेश शर्माले १–१ विकेट लिए।