वर्षाले प्रधानमन्त्री कप क्रिकेट प्रभावित

काठमाडौं । देशभर निरन्तर आएको वर्षाले प्रधानमन्त्री कप राष्ट्रिय पुरुष क्रिकेट प्रतियोगिता प्रभावित बनेको छ ।

पहिलो दिन विरगञ्जमा कर्णाली प्रदेश र लुम्बिनी प्रदेश तथा जनकपुरमा कोशी प्रदेश र मधेश प्रदेशको खेल तय भएको थियो ।

विरगञ्जमा कर्णालीले ७ ओभरमा २० रन बनाएको अवस्थाबाट खेल अघि बढ्न सकेन । जनकपुरमा प्रतियोगिताको पहिलो खेल एक बल सञ्चालननै नगरी रद्ध गर्न पर्यो ।

खेल रद्ध भएसँगै चार वटै टोलीले एक अंक बटुलेका छन् ।

नेपाल क्रिकेट संघको आयोजनामा प्रधानमन्त्री कप राष्ट्रिय क्रिकेट प्रतियोगिता यस पटक मधेश प्रदेशमा सञ्चालन गरिएको छ ।