फुटबलर दिपालाई मातृशोक

मोरङ। नेपाली राष्ट्रिय महिला फुटबल टिमकी खेलाडी दिपा न्यौपानेलाई मातृशोक परेको छ।

दिपाकी आमा सावित्रा न्यौपानेको उपचारका क्रममा बुधबार निधन भएको हो। घाँटिमा समस्या देखिएपछि सघन उपचारकक्षमा उपचारका क्रममा विराटनगरस्थित नोबेल अस्पतालमा ७० वर्षको उमेरमा सावित्राको निधन भएको हो।

दिपाले सन् २०१८ मा नेपाली राष्ट्रिय टिमबाट डेब्यु गरेकी थिइन्। उनी विभागीय टोली नेपाल पुलिस क्लबकी सदस्य हुन्। दिपाका दाजु भीष्मसमेत पूर्वखेलाडी हुन्। उनी हाल पथरी ११ फुटबल क्लबका सल्लाहकार छन्।