वर्ल्ड केन्पो काईमा नेपाललाई रजत 

काठमाडौं । वर्ल्ड केन्पो काई च्याम्पियनसिपमा नेपालले रजत पदक प्राप्त गरेको छ ।

जापानको हमामात्सुमा सम्पन्न प्रतियोगितामा नेपालका नबिन आचार्यले आइआइदो कातामा रजत पदक प्राप्त गरेका हुन् । प्रतियोगिताको अन्तिम दिन नबिनले नेपालका लागि ऐतिहासिक सफलता दिलाएका छन् ।

प्रतियोगितामा नेपालका नबिन आचार्य र नरजबहादुर खड्काले क्रमश छैटौं डान र सातौं डानको परिक्षामा सफलता हासिल गरेका छन् ।

जापानमा प्राप्त उपलिब्धले नेपाली केन्पोको स्तरलाई अन्तराष्ट्रिय मञ्चमा मजबुत बनाएको टिम अफिसियल नराज बहादुर खड्का (हरी)ले बताए । 
वर्ल्ड केन्पो काई च्याम्पियनसिपमा सहभागी हुन ५ सदस्यीय टोली जापान पुगेको थियो ।