भारतको बंगलादेश भ्रमण अनिश्चित

काठमाडौं। भारतले यस वर्ष सीमित ओभरको सिरिजका लागि बंगलादेशको भ्रमण गर्ने तालिका छ।

तर, दुई देशबीचको मतभेदका कारण यो भ्रमण जोखिममा परेको छ। सरकारले भारतीय क्रिकेट नियन्त्रण बोर्ड (बिसिसिआई) लाई यो भ्रमणमा नजान सल्लाह दिएको छ। 

यदि यस्तो भयो भने भारतीय टोलीको बंगलादेश भ्रमण रद्द हुन सक्छ। भारत र बंगलादेशबीच व्यापार तनाव पनि छ। मे १७ मा भारत सरकारले बंगलादेशबाट तयारी पोशाक र अन्य वस्तुहरूको आयातमा प्रमुख रुट प्रतिबन्धको घोषणा गरेको थियो।

बंगलादेश भ्रमणबारेमा इन्डिया टुडेले एक स्रोतलाई उद्धृत गर्दै भनेको छ, 'बंगलादेशको राजनीतिक अवस्था स्थिर छैन र कूटनीतिक गतिरोधलाई ध्यानमा राख्दै भारत सरकारले बिसिसिआईलाई यो भ्रमण अगाडि नबढाउन सल्लाह दिएको छ।'

यद्यपि, बिसिसिआईले हाल भ्रमणको बारेमा कुनै आधिकारिक जानकारी खुलासा गरेको छैन।