सेमिफाइनलमा हेल्प नेपाल

काठमाडौं। लगातार जित निकाल्दै हेल्प नेपाल स्पोर्ट्स क्लब सेन्ट्रल एसियन भलिबल एसोसिएसन (काभा) पुरुष क्लब भलिबल च्याम्पियनसिपको सेमिफाइनलमा प्रवेश गरेको छ।

त्रिपुरेश्वरस्थित राष्ट्रिय खेलकुद परिषद (राखेप)को कभर्डहलमा हेल्प नेपालले बुधबार माल्दिभ्सको प्रतिद्वन्द्वी एचडिसीमाथि ३–१ को सेटमा जित हासिल गरेको हो। प्रतियोगितामा हेल्प नेपालको यो तेस्रो जित हो। जितसँगै हेल्प नेपालले तीन खेलमा आठ अंक जोडेको छ। 

यसअघि हेल्प नेपालले भारतको क्यालिकट हिरोजमाथि ३–२ र गण्डकी प्रदेश भलिबल टिमलाई ३–१ को सेटमा हराएको थियो। टोलीले बुधबार चडिसीमाथि ३–१ को सेटमा जित हासिल गर्‍यो।