जोकोभिचले एटिपी फाइनल्स गुमाउने

काठमाडौं। दुई पटकका डिफेन्डिङ च्याम्पियन नोभाक जोकोभिचले एटिपी फाइनल्स गुमाउने भएका छन्।

जोकोभिचले सामाजिक सञ्जालमार्फत मंगलबार चलिरहेको चोटका कारण टुरिनमा हुने फाइनल गुमाउने जानकारी दिएका हुन्।

‘म त्यहाँ आउनको लागि साँच्चै उत्सुक थिएँ तर निरन्तरको चोटका कारण म अर्को हप्ता खेल्ने छैन। मलाई भेट्ने योजना बनाउनेहरुसँग माफी चाहन्छु। सबै खेलाडीहरूलाई उत्कृष्ट प्रर्दशनका लागि शुभकामना। छिट्टै भेटौँला,’ उनले भने।

३७ वर्षीय सर्बियन खेलाडी हाल विश्व वरीयतामा पाँचौं स्थानमा छन्। जान निक सिन्नर, अलेक्ज्यान्डर ज्वेरेभ, कार्लोस अल्काराज, ड्यानिल मेदवेदेव र टेलर फ्रिट्जले नोभेम्बर १० देखि १७ सम्म उत्तरी इटालीमा हुने प्रतियोगिताका लागि क्वालिफाई गरिसकेका छन्।