तुर्कमेनिस्तानलाई हराउँदै नेपाल फाइनलमा

काठमाडौं । नेपाल काभा यू–२० मेन्स भलिबल च्याम्पियनसिपको फाइनलमा प्रवेश गरेको छ । 

शुक्रबार समूह चरणको अन्तिम खेलमा तुर्कमेनिस्तानलाई हराउँदै नेपाल प्रतियोगिताको फाइनल प्रवेश गरेको हो । 

नेपालले तुर्कमेनिस्तानलाई ३–० को सोझो सेटमा हरायो । 

नेपालले प्रभावशाली जित निकाल्ने क्रममा २५–१४, २५–२१ र २५–२० को सोझो सेटमा जित निकाल्यो ।

समूह चरणको अन्तिम खेलको नतिजासँगै तुर्कमेनिस्तान र नेपालको समान १० अंक रह्यो । तर बढी सेट जितेका आधारमा नेपाल फाइनल प्रवेश गर्यो । 
नेपालले अब उपाधिका लागि उज्वेकिस्तासँग खेल्नेछ ।

नेपालले समूह चरणमा श्रीलंका र माल्दिभ्सलाई हराएको थियो भने किर्गिस्तान र उज्वेकिस्तानसँग हार ब्यहोरेको थियो । 

श्रीलंका भलिबल फेडेरेसनले आयोजना गरेको प्रतियोगितामा आयोजक सहित तुर्किमिनिस्तान, माल्दिभ्स, किर्गिस्तान, उज्वेकिस्तान र नेपाल सहभागी छन् ।