काठमाडौं । काभा महिला भलिबल क्लब च्याम्पियनसिप जितेको नेपाल पुलिस क्लब भोलि सोमबार नेपाल फर्कने भएको छ ।
माल्दिभ्सको मालेमा सम्पन्न काभा क्लब च्याम्पियनसिपको उपाधि विजेता पुलिस सोमबार बिहान नेपाल फर्कन लागेको हो ।
नेपाल भलिबल संघकी केन्द्रिय सदस्य निलम बज्राचार्यले पुलिस टिम बिहान साढे १० बजे त्रिभुवन अन्तराष्ट्रिय विमानस्थलमा उत्रने जानकारी दिईने ।
राष्ट्रिय टिमले अन्तराष्ट्रिय स्तरमा उत्कृष्ट नतिजा हासिल गरिरहदाँ क्लब स्तरमा समेत प्राप्त सफलताले भलिबलमा सफलताको इटा थपिएको बताईन् ।
नेपालको पुलिस क्लबले शनिबार उज्वेकिस्तानको हुमो भलिबल क्लबलाई हराउँदै काभा महिला भलिबल क्लब च्याम्पियनसिपको उपाधि जितेको थियो ।
अपराजित रहदै फाइनल पुगेको नेपालले फाइनलमा समेत सोझो सेटको जित निकालेको थियो । नेपालकी उषा भण्डारी प्रतियोगिताको सर्वोत्कृष्ट खेलाडी घोषित भएकी थिईन् ।
