काठमाडौं। एभरेस्ट महिला भलिबल लिग (इडब्ल्युभिएल)को फ्रेन्चाइज गण्डकी थन्डर्सले ‘ट्यालेन्ट हन्ट’ गर्ने भएको छ। गण्डकीले असोज ९ गते ‘ट्यालेन्ट हन्ट’ गर्न लागेको हो।
कार्यक्रम बिहान ८:३० मा पोखरा स्टेडियममा हुने छ। जसमा गण्डकीका ट्यालेन्टहरूले सहभागिता जनाउन पाउनेछन्। टोलीका मुख्य प्रशिक्षक रुपेश विष्ट र टिमकी मार्की खेलाडी सरस्वती चौधरीसहित टिमका म्यानेजमेन्ट समूहले पोखरमा एक खेलाडीको छनोट गर्नेछ।
‘ट्यालेन्ट हन्ट’ मा हालसम्म राष्ट्रिय तथा अन्तर्राष्ट्रिय स्तरमा सहभागि नभएका खेलाडीले सहभागिता जनाउन पाउनेछन्। इन्फिनिटी ड्रिम्स प्रालिले नेपाली भलिबल इतिहामै पहिलो पटक फ्रेन्चाइजी लिगको आयोजना गरेको हो। महिला भलिबलको इतिहासमा नेपालमा पहिलोपल्ट खेलाडी ‘ट्यालेन्ट हन्ट’ बाट छनोट हुने भएको हो।
