काठमाडौं। क्लबस्तरीय पुरुष तथा महिला भलिबल प्रतियोगिता असोज दोस्रो साता हुने भएको छ। पोखरा भलिबल प्रशिक्षण केन्द्रको आठौं वार्षिकोत्सवको अवसरमा प्रतियोगिता असोज ९ देखि १३ गतेसम्म हुन लागेको हो।
आयोजकका अनुसार प्रतियोगिताको सम्पूर्ण खेल पोखरा–३ नदीपुरस्थित छन्त्याल समाजको भलिबल कोर्टमा हुनेछ। पुरुषतर्फ प्रतियोगिताको विजेताले एक लाख ३० हजार रुपैयाँ प्राप्त गर्ने आयोजकले जनाएको छ। दोस्रो हुनेले ८० हजार प्राप्त गर्नेछन्। महिलातर्फको विजेताले ५० हजार र उपविजेताले ३५ हजार हात पार्नेछन्।
पुरुषतर्फ १२ भन्दा कम टोली भएमा लिग कम सिस्टममा खेलाइने आयोजकले जनाएको छ।
