घरेलु टोली वाम्कोसँग खेल्दै पुलिस

काठमाडौं। विभागीय टोली नेपाल पुलिस क्लबले काभा महिला भलिबल क्लब च्याम्पियनसिपअन्तर्गत चौथो खेलमा बिहीबार घरेलु टोली वाम्कोसँग प्रतिस्पर्धा गर्दैछ। यो खेल स्थानीय समयअनुसार ८:१५ बजे हुनेछ।

माल्दिभ्सको मालेमा जारी प्रतियोगितामा पुलिस अपराजित छ। आइतबार भएको पहिलो खेलमा पुलिसले उज्बेकिस्तानको हुमो भलिबल क्लबलाई ३–० को सोझो सेटमा पराजित गरेको थियो।

सोमबार र मंगलबार भएको खेलमा श्रीलंकाको श्रीलंका एयर फोर्स र ताजिकस्तानको डाइमेड भलिबल क्बललाई त्यही सेटमा पराजित गर्दै पुलिस अपराजित रहन सफल भयो। पुलिसको अंकतालिकामा ९ अंक छ। पुलिस यही लयलाई निरन्तरता दिने लक्ष्यमा हुनेछ।