काठमाडौं। नेपाल भलिबल संघले काभा पुरुष यु–२० च्याम्पियनसिपका टोली घोषणा भएको छ।
बिहीबार बन्द प्रशिक्षणमा रहेका १८ खेलाडीबाट टोलीमा पर्न सफल १२ जनाको नाम सार्वजनिक गरेको हो। बन्द प्रशिक्षण भदौ ८ गतेदेखि सुरु गरिएको थियो। बन्द प्रशिक्षणबाट रहेका रेशम विक, सौरभ फुन्जेल, सरोज बर्देवा, सुनिल बोहोरा, युक्सन थापा र अभिषेक थापा बाहिरिएका छन्।
सेन्ट्रल एसियन भलिबल एसोसिएसनले आयोजना गर्ने प्रतियोगिता अक्टोबर ३ देखि ९ सम्म श्रीलंकाको कोलम्बोमा हुनेछ।
नेपाली टोली
विश्वास अधिकारी, सागर रसौली, अशोक राना, पहल गहतराज, सुरेश मल्ल, शैलेन्द्र यादव, सूर्य विक, अर्जुन नेपाली, जितबहादुर कार्की, सुजन सुनार, रेसमन राहादी र दिनेश कुँवर
