पोखरा। साबिक उपविजेता न्यु डायमन्ड युथ स्पोर्ट्स क्लबले लामाचौर आमन्त्रित राष्ट्रिय महिला तथा पुरुष भलिबल प्रतियोगितामा लगातार दोस्रो जित हासिल गरेको छ।
बुधबार भएको खेलमा न्यु डायमन्डले गण्डकीलाई ३-० को सोझो सेटमा पराजित गरेको हो। पहिलो सेट २५-१३ ले जितेको न्यु डायमन्डले त्यसपछिका दुई सेट समान २५-१६ ले आफ्नो पक्षमा बनायो।
न्यु डायमन्डले पहिलो खेलमा बुटबलको एभरेस्ट क्लबलाई ३-० कै सेटमा पराजित गरेको थियो।
