ज्ञानोदय विजयी

काठमाडौं। आयोजक ज्ञानोदयले ३०औं ज्ञान कार्निभल अन्तरविद्यालय बास्केटबल प्रतियोगिताको गर्ल्समा शनिबार रिब्सलाई २८-२५ ले पराजित गरेको छ।  

खोकनास्थित घरेलु कोर्टमा ज्ञानोदयलाई जित दिलाउन रिस्ता तिलिजाले सर्वाधिक १२ अंक जोडिन्।

गर्ल्सकै अन्य खेलमा रेडियन्ट पब्लिकले स्वर्णिमलाई ११-८ तथा रातो बंगलाले मोर्डन इन्डियन स्कुललाई २२-९ ले हराए। रेडियन्टकी दिब्यान्शा कार्कीले ११ तथा रातो बंगलाकी आहाना ढुंगानाले ११ स्कोर गरे।

ब्वाइजमा आइडियल मोडलले रेडियन्ट पब्लिकलाई ४२-४०, रातो बंगलाले ओएसिस्लाई ३७-२५ र लिटिल एन्जल्सले पाठशाला, बानेश्वरलाई ४०-१६ ले पन्छाए। आइडियका नेल्सन श्रेष्ठले १६, रातो बंगलाका अक्षित झाले १४ र लिटिल एन्जल्सका तेन्जिन लामाले १३ अंक जोडे।