१८ खेलाडीलाई बन्द प्रशिक्षणमा बोलाइयो

काठमाडौं। नेपाल भलिबल संघले यू–२० भलिबल च्याम्पियनसिपका लागि १८ खेलाडीलाई बन्द प्रशिक्षणमा बोलाएको छ।

सेन्ट्रल एसियन भलिबल एसोसिएसनले आयोजना गर्ने प्रतियोगिता अक्टोबर ३ देखि ९ सम्म श्रीलंकाको कोलम्बोमा हुनेछ।

बन्द प्रशिक्षणमा गण्डकीबाट सरोज बर्देवा, सूर्य विक, विश्वास अधिकारी, सुक्सन थापा, सौरभ फुन्जेली र जितबहादुर सार्की बोलाइएको छ। यस्तै, लुम्बिनीबाट लेसमन राहादी, रेशम विक, सागर रसौली र दिपेश कुँवर प्रशिक्षणमा सहभागी हुनेछन्। सुदूरपश्चिमबाट सुनिल बाहोरा, सुरेश मल्ल अर्जुन नेपाली र अशोक राना छन्।

कोशीबाट अभिषेक थापा, मधेशबाट शैलेन्द्र यादव, बागमबाट सुजन सुनार र कर्णालीबाट पहल गहतराज पनि बन्द प्रशिक्षणमा परेका छन्। बन्द प्रशिक्षण ८ भदौबाट सुरु हुनेछ।