काठमाडौं। विम्बल्डन टेनिसको पहिलो चरणमा हार बेहोर्ने मारकेटा भोन्ड्रोसोभा सन् १९६८ पछि पहिलो महिला डिफेन्डिङ च्याम्पियन बनेकी छन्।
सेन्टर कोर्टमा मंगलबार भएको खेलमा स्पेनकी जेसिका बोजास मनिरोसँग ६–४, ६–२ को सोझो सेटमा उनी पराजित भइन्। भोन्ड्रोसोभा गत वर्ष च्याम्पियन बनेकी थिइन्। उनी ग्रास कोर्टमा खेलेको ग्रान्डस्लाम प्रतियोगितामा ट्रफी जित्ने पहिलो गैरवरीयता प्राप्त महिला बनेकी थिइन्।
सन् १९६८ यता डिफेन्डिङ च्याम्पियन खेलाडी पहिलो चरणबाटै बाहिरिएको यो पहिलोपल्ट हो। त्यतिखेर लोरी म्याकनीलसँग स्टेफी ग्राफ पराजित भएकी थिइन्।
भोन्ड्रोसोभालाई यो पटक छैटौं वरीयता दिइएको थियो। सन् २०१९ को फ्रेन्च ओपनमा उपविजेता र तीन वर्षअघि टोकियो ओलम्पिकमा रजत पदक विजेतासमेत उनी बनेका थिए।
तर, मंगलबार उनले उत्कृष्ट प्रदर्शन गर्न सकिनन्। गत महिना बर्लिनमा भएको एक प्रतियोगिताका क्रममा लडेर उनलाई चोट लागेको थियो। उनी यो चोटबाट पूर्ण रूपमा निको हुन सकिनन्।
स्पेनकी २१ वर्षीया बुजास मनिरोले गत साता करियरकै उत्कृष्ट जित दर्ता गरेपछि भनिन्, 'यो मेरो जीवनको सबैभन्दा महत्त्वपूर्ण क्षण हो।'
भोन्ड्रोसोभा खेलको सुरुदेखि नै दबाबमा देखिएकी थिइन्, उनले पहिलो सेटमै ३ पटक फल्ट दोब्बर पारिन्। उनले ६६ मिनेटसम्म चलेको खेलमा ७ डबल फल्ट र २८ अनफोर्स्ड एरर गरेकी थिए, जुन बुजास मनिरोको भन्दा दुई गुणा बढी थियो।
