रुपन्देही । बुटवलमा जारी दोस्रो मेयर तथा छैटौं बुटवल ओपन टेनिसको मेन्स ओपनमा प्रदीप खड्का र प्रणव मानन्धर सेमिफाइनल प्रवेश गरेका छन् ।
बिहीबार क्वार्टरफाइनलको खेलमा प्रदीप र प्रणवले जित निकाल्दै अन्तिम ४ मा स्थान पक्का गरेका हुन् ।
प्रदीपले आर्यन गिरीलाई ६–३ र ६–४ को सेटमा पाखा लगाउँदा प्रणवले प्रणव खनाललाई ६–१, ३–६ र ६–३ को सेटमा पराजित गरे ।
सोही स्पर्धामा ऋतिक रानाले सक्षम बिक्रम शाहलाई ६–३ र ६–३ को सेटमा र निशान श्रेष्ठले आशिष खड्कालाई ६–१ र ६–४ को सेटमा हराउँदै सेमिफाइनल यात्रा तय गरेका छन् ।
४५ं वर्षमाथिको सिंगल्समा कमल भण्डारीले रोहित सुनुवारलाई ६-१ र ६-० को सेटमा पराजित गर्दै फाइनल प्रवेश गरे । गोपी भट्टराईले माधव भण्डारीलाई ५-७, ६-३ र १०-५ को सेटमा हराउँदै फाइनल यात्रा तय गरे ।
५५ं वर्षमाथिको सिंगल्समा चन्द्र शाहीले बिमल गुरुङलाई ६-२ र ७-५ को सेटमा पराजित गरे । त्यस्तै, राजु श्रेष्ठले बिष्णु हमाललाई ६-० र ६-१ को सेटमा पराजित गर्दै फाइनलको यात्रा तय गरे ।
३५ं वर्षमाथिको सिंगल्समा अनिल शाहीले नबिन श्रेष्ठलाई ६-१ र ६-२ को सेटमा पराजित गरे । सन्तोष खत्रीले सोम रानालाई ६-१ र ६-१ को सेटमा पराजित गर्दै अन्तिम चारमा प्रवेश गरे । कमल भण्डारीले राजन पौडेललाई ६-१ र ६-३ को सेटमा पराजित गरे भने सिमान्त गुरुङले संजय श्रेष्ठलाई ६-१ र ६-३ को सेटमा पराजित गर्दै सेमिफाइनल प्रवेश गरे ।
६५ वर्षमाथिको सिंगल्समा ध्रुव गुरुङले अब्दुल सलामतलाई ६-१ र ६-१ को सेटमा पराजित गर्दै फाइनल प्रवेश गरे । ध्रुवले अब उपाधिका लागि मनोज रानासँग प्रतिस्पर्धा गर्नेछन् ।
५५ वर्षमाथिको डबल्समा बिमल गुरुङ र हिमाल शाहको जोडीले सुदर्शन बिष्ट र शिव सेढाईको जोडीलाई ६-७, ६-३ र १०-७ को सेटमा पराजित गर्दै फाइनल प्रवेश गरे । अर्को खेलमा लोक गुरुङ र धरम लामिछानेको जोडीले चन्द्र शाही र जोली टार्गेनको जोडीलाई ६-१ र ६-१ को सेटमा हराउँदै फाइनल पुगे ।
३५ं वर्षमाथिको मेन्स डबल्समा सिमान्त गुरुङ र अनिल शाहीको जोडीले पदम गुरुङ र विकास गुरुङको जाडीलाई ६-१ र ६-१ को सेटमा हराए । सन्तोष खत्री र संजय श्रेष्ठको जोडीले राजन पौडेल र नबिन श्रेष्ठलाई ६-७, ६-४ र १०-३ को सेटमा पाखा लगाउँदै फाइनल पुगे ।
मेन्स ओपन डबल्समा सक्षम बिक्रम शाह र आर्यन गिरीले नेहाल जंग थापा र प्रदिप खड्कालाई ६-४ र ६-३ को सेटमा हराए । अर्को खेलमा आशिष खड्का र आयुष्मान गुरुङको जोडीले ऋतिक राना र निशान श्रेष्ठलाई ६-२ र ६-४ को सेटमा हराउँदै फाइनल प्रवेश गरे ।
४५ वर्षमाथिको डबल्समा रोहित सुनुवार र जोली टार्गेनले हिमाल शाह र सुदर्शन बिष्टलाई ६-३ र ६-३ को सेटमा पराजित गरे । अर्को खेलमा गोपी भट्टराई र धरम लामिछानेले वाक ओभर पाउदै फाइनल यात्रा तय गरे ।
प्रतियोगितामा एकलतर्फका विजेताले ६० हजार, दोस्रोले ३० हजार र तेस्रोले २० हजार रुपैयाँ प्राप्त गर्नेछन् । ३५ वर्षमाथिको एकलतर्फका विजेताले ४० हजार, दोस्रोले २० हजार र तेस्रोले १० हजार रुपैयाँ पुरस्कार प्राप्त गर्नेछन् ।
४५ वर्षमाथि एकलतर्फका विजेताले ३५ हजार, दोस्रोले २० र तेस्रोले १० हजार तथा ५५ वर्षमाथिको एकल तर्फको विजेताले २५ हजार, दोस्राले १५ र तेस्रोले ५ हजार रुपैयाँ प्राप्त गर्नेछन् ।
६५ वर्षमाथिको एकलतर्फको विजेताले १५ हजार, दोस्रोले ७ हजार ५ सय र तेस्रोले ५ हजार रुपैयाँ प्राप्त गर्नेछ ।
युगलतर्फ खुल्लातर्फ पहिलो हुनेले २० हजार, दोस्रोले १० हजार रुपैयाँ प्राप्त गर्नेछन् ।
३५ वर्षमाथि सबै विधामा पहिलो हुनेले १५ हजार र दोस्रो हुनेले १० हजार रुपैयाँ प्राप्त गर्ने आयोजकले जनाएको छ ।
रुपन्देही जिल्ला टेनिस संघले आयोजना गरेको प्रतियोगिा फागुन १९ गतेसम्म चल्नेछ ।
