प्रि स्कुल स्पोर्टस मिट हुने 

काठमाडौं । प्रि स्कुल कमिटी नेपाल(पीएससीएन) र मर्निङ ग्लोरी इन्टरटेन्टमेन्टको संयुक्त आयोजनामा यहि पुस १५ गते प्रि स्कुल स्पोर्टस मिटको आयोजना हुने भएको छ।

लगनखेल स्थित आर्मी मैदानमा हुने प्रतियोगितामा ३ देखि ८ वर्ष सम्मको उमेर समुहका ५ सय भन्दा वढी विद्यार्थीहरुले सहभागिता जनाउन लागेको शुक्रवार आयोजित पत्रकार सम्मेलनमा प्रि स्कुल कमिटी नेपालका अध्यक्षप्रविना शाक्यले बताइन्। 

स्पोर्टस मिटमा १७ भन्दा वढी स्कुलका नर्सरी, एलकेजी, यु केजी देखि एक, दुई र तीनकक्षा सम्मका विद्यार्थीहरुले छुट्टाछुट्टै इभेन्टसहरुमा प्रतिस्पर्धा गर्नेछन्। त्यसमा रिले १००, थ्री लेग दौड, पेपर रेस, १०० मिटर सिगल रेस जस्ता इभेन्टसहरु समावेश गरिएको छ।

पत्रकार सम्मेलनमा प्रि स्कुल कमिटी नेपालका पुर्व अध्यक्ष सभ्यता खड्का, सचिव सुनिता खड्का, सदस्य रोजिना तन्डुकारर मर्निङ ग्लोरी इन्टरटेन्टमेन्टकी अध्यक्ष मोहना खनालको उपस्थिति थियो।