दावा गुरुङ सितोरियो करातेको अध्यक्षमा निर्विरोध  

काठमाडौं । नेपाल सितोरियो कराते संघको दोश्रो साधारण सभा तथा महाधिवेशनले दावा गुरुङलाई अध्यक्ष पदमा निर्विरोध निर्वाचित गरेको छ ।

बाराको निजगढमा भएको संघको साधारण सभाले अध्यक्षमा गुरुङलाई पुन निर्विरोध चयन गरेको हो । बरिष्ठ उपाध्यक्षमा मजेन्द्र सिंह, उपाध्यक्षहरुमा राजिव थापा, किशोर भट्टराई र पाल्छाङ हेन्जन निर्वाचित भए । 

सदस्यमा देवकुमार लामा, प्रकाश मोहन धौवडेल, प्रेमलाल बोम्जन, बिजयमान थापा, मिलन राज प्रसाई, हरि बहादुर घर्ती, राजेन्द्र बराल, हेमन्त कुमार मल्ल, मनिराम थापा, उमा महतो, बिजय बस्नेत, धर्म प्रसाद न्यौपाने, बिजय गुरुङ, मधु लामा, राधिका देउला, जानकी सेढाई महर्जन, कृष्ण गौतम, प्रेम बहादुर राना र ज्ञान बहादुर जिम्वा निर्वाचित भए ।

सर्वसम्मत रुपमा निर्वाचित भएका पदाधिकारी तथा सदस्यहरुलाई निर्वाचन टोलीका प्रमुख अधिवक्ता गोपी बहादुर भण्डारी, लोक बहादुर खुलाल र नेपाल कराते महासंघका अध्यक्ष युवराज लामाले एक बिशेष समारोहबीच पद तथा गोपनियताको सपथ ग्रहण गराएका थिए । 

नेपाल सितोरियो कराते संघको नयाँ संशोधित बिधान अनुसार अध्यक्ष–१, बरिष्ठ उपाध्यक्ष–१, उपाध्यक्ष–३ र १९ जना सदस्यहरु सहित २५ सदस्यहरु निर्वाचित र बाँकी मनोनित र आमन्त्रित सदस्य गरि २९ जनाको कार्य समिति रहने ब्यवस्था छ ।

बाँकी पदहरु उपाध्यक्ष, महासचिव, सचिव, कोषाध्यक्ष, सल्लाहकार सहित अन्य थप सदस्यहरु मनोनित गर्ने अधिकार अध्यक्षको रहने नेपाल सितोरियो कराते संघका प्रवक्ता गजेन्द्र बहादुर खपाङ्गीले जानकारी दिए ।