काठमाडौं । नेपाल ट्रायथलन संघका अध्यक्ष निलेन्द्र राज श्रेष्ठ एसिया ट्रायथलनका अध्यक्षको वरिष्ठ सल्लाहकारमा नियुक्त भएका छन् ।
रियादमा बसेको एसिया ट्रायथलनको कार्यकारी बैठकले श्रेष्ठलाई नवनिर्वाचित अध्यक्ष फदाद बिन जलाबी बिन अब्दुल अजिजको वरिष्ठ सल्लाहकारमा नियुक्त गरेको हो ।
साउदी अरेबियाका राजकुमार अजिज सन् २०२३ को जुन २३ मा जापानमा भएको चुनावी साधारण सभाबाट अध्यक्ष निर्वाचित भएका थिए । उनी ओलम्पिक काउन्सिल अफ एसियाअन्तर्गतको कार्यकारी कार्यालयका सदस्य तथा शैक्षिक कमिटीका अध्यक्ष हुन् ।
अजिज वेस्ट एसिया ट्रायथलन संघका अध्यक्ष तथा साउदी अरेबिया ओलम्पिक कमिटीका अध्यक्ष समेत हुन् ।
चुनावपछिको पहिलो तथा ९० औं कार्यकारी बैठक सन् २०२३ को अगस्ट ५ मा रियादमा बसेको थियो । बैठकले श्रेष्ठलाई एसिया ट्रायथलनको अध्यक्षका सिनियर सल्लाहरमा नियुक्त गरेको हो ।
श्रेष्ठ नेपाल ट्रायथलन संघका अध्यक्ष तथा नेपाल ओलम्पिक कमिटीका महासचिव हुन् ।
यस्तै उनी विश्व ट्रायथलन अन्तर्गतको एनओसी रियलेसन कमिसनका सदस्य तथा ओलम्पिक काउन्सिल अफ एसियाको कल्चर कमिसनका सदस्य समेत हुन् ।
