बिशाल पन्थ ।
काठमाडौं । नेपाल कबड्डी संघको केन्द्रिय अध्यक्षमा तुलसा थापा निर्वाचित भएकी छिन् । मंगलबार राति भएको संघको निर्वाचनले तुलसा थापालाई केन्द्रिय अध्यक्षमा दोह¥याएको हो ।
बामपन्थी नेता वामदेव गौतम तुलसा थापाका श्रीमान हुन् । पाटी राजनीतिसँगै तुलसाले खेलकुद राजनीतिलाई अघि बढाईरहेकी छिन् । उनी नेपाल ओलम्पिक कमिटीकी सचिव हुन् । अध्यक्षका अर्का उम्मेदवार अमित बहादुर गुरुङलाई पराजित गर्दै थापा अध्यक्षमा चुनिएकी हुन् ।
संघको उपाध्यक्षमा कुमार ओले र रतिया राजवंशी निर्वाचित भए । महासचिवमा अर्विन्द्रकुमार झा र सचिवमा तर्कराज भट्ट निर्वाचित भए । कोषाध्यक्ष कृष्णदेव पन्त चुनिए ।
सदस्यमा तेजबहादुर विष्ट, निराजन श्रेष्ठ, जनक चौधरी, जय बोहरा, विन्दु थापा, भगवती अधिकारी, निर्मला विसी, शरद दर्शनधारी, राजकुमार क्षेत्री, उमालाल यादव, धिरेन्द्र राजवंशी निर्वाचित भए ।
अध्यक्षमा तुलसा थापामा अधिकांशको समर्थन भएपनि अन्य पदाधिकारीमा बिनोद प्रजापति र अर्विन्द्र कुमार झा प्यानल सहित उत्रिएका थिए । संघको केन्द्रिय चुनावमा झा प्यानलका अधिकांश पदाधिकारी निर्वाचित भए ।
निर्वाचित भएपछि पत्रकार सम्मेलन गर्दै नवनिर्वाचित अध्यक्ष थापाले छिट्टै अन्तराष्ट्रिय स्तरको कभर्डहल बनाउने बताईन् ।
उनले एक वर्षको संघको कार्यक्रम सार्वजनीक गर्दै एक महिनाभित्र कार्यालय व्यवस्थान, ६ महिनाभित्र खेलाडी, पदाधिकारीलाई नगद सहित सम्मान, कबड्डी लिग र अन्तराष्ट्रिय प्रतियोगिता आयोजना गर्ने, एशियाडमा वैदेशिक प्रशिक्षक व्यवस्था गर्ने र महिला शसक्तिकरणका कार्यक्रमलाई निरन्तरता दिने लगायतका योजना सुनाएकी थिईन् ।
