ब्याडमिन्टन संघको तदर्थ समिति गठन

काठमाडौं । राष्ट्रिय खेलकुद परिषद् (राखेप)ले नेपाल ब्याडमिन्टन संघको तदर्थ समिति गठन गरेको छ । राखेपले वर्तमान अध्यक्ष रामजी बहादुर श्रेष्ठको संयोजकत्वमा ३९ सदस्यीय तदर्थ समिति गठन गरेको हो । 

राष्ट्रिय खेलकुद विकास ऐन २०७७ अनुरुप संघको संरचना बनाउन तथा राष्ट्रिय खेलकुद विकास नियमावली २०७९ को खेल संघ स्थापना सम्बन्धि मापदण्ड पुरा गरी तीन महिनाभित्र विधान मस्यौदा तयार गरि निर्वाचन गर्ने अख्तियारी सहित श्रेष्ठको नेतृत्वमा तदर्थ समिति गठन गरिएको राखेपले जनाएको छ ।

राखेपले गठन गरेको तदर्थ समितिमा रामजी बहादुर श्रेष्ठलाई संयोजक तोकिएको छ भने अन्यलाई सदस्य राखिएको छ । समितिमा विश्वेस श्रेष्ठ, चन्द्र शेखर लामा, ध्रुव महर्जन, गोबिन्द बहादुर स्वार, मिनबहादुर केसी, नरेशबहादुर सिंह, सुभाव श्रेष्ठ, नारायण बहादुर क्षेत्री, उदय श्रेष्ठ, विरेन्द्र श्रेष्ठ छन् । 

यस्तै, नविन शाह, शामिर बहादुर सिंह, विन्दा पौडेल, बिनोद बस्नेत, हिमाल शाह, जगतबहादुर खड्का, महेन्द्र बिक्रम थामसुहाङ, निर्माण कुमार श्रेष्ठ, राजु थापा, रिसिकेश श्रेष्ठ, रोहित टण्डन, यदुनाथ अधिकारी, छविलाल शाही, दिपक थापा, जिवन कुँवर, सुनिल श्रेष्ठ, नारायण दाहाल, रवि महर्जन, अनोज बस्नेत, मानबहादुर मल्ल, तिलक पाण्डे, बेनुप खत्री, नारायण श्रेष्ठ, गीता शाही, प्रकाश ढकाल, लव भक्त श्रेष्ठ, दिल्लीराम दांगी, भिमसेन लामा सहित राखेपका दुई प्रतिनिधि छन् ।

राष्ट्रिय खेलकुद विकास ऐन कार्यान्वयनमा आएको लामो समय बितिसक्दा समेत राखेपमा दर्ता भएका अधिकांश खेल संघ संघीय संरचनामा गएका थिएनन् । सदस्य सचिव टंकलाल घिसिङले पुरानै ऐन अनुसार सञ्चालनमा रहेका राष्ट्रिय खेल संघको तदर्थ समिति गठन गरेर नयाँ विधान अनुसार निर्वाचनमा लैजाने प्रकृया सुरु गरेका छन् ।

सोही अनुसार राखेपका अधिकांश खेल संघले नयाँ विधान निर्माण गरेर निर्वाचन प्रक्रियाबाट गठन हुन सुरु गरेका छन् ।