भारतको मुस्सोरीमा केटीएम सिटीको नयाँ आउटलेट

काठमाडौं । शेर्पा आउटडोरको केटीएम सिटीले भारतको मुस्सोरीमा नयाँ आउटलेट सञ्चालनमा ल्याएको छ।

केटीएम सिटीले भारतको मुस्सोरीमा नयाँ आउटलेट सञ्चालनमा आएको जनाएको छ ।

भारतमा बजार विस्तार गर्ने क्रममा केटीएम सिटीले भारतमा अर्को नयाँ आउटलेट खोलेको हो ।

यस अघि केटीएम सिटीले भारतको सिक्किम, मनाली र सीलगुरीमा आउटलेट सञ्चालनमा ल्याईसकेको छ ।  

नेपाली लुगाको ब्राण्डलाई राष्ट्रिय र अन्तराष्ट्रिय रुपमा फैलाउने उद्धेश्यका साथ अघि बढेको केटीएम सिटीले भारतसँगै क्यानडामा समेत आफ्नो सेवा विस्तार गरिसकेको छ ।

केटीएम सिटीको नेपालमा ४१ आउटलेट रहेको छ ।

नयाँ खोलिएको आउटलेटमा ग्राहकले सहज र सर्वसुलभ रुपमा केटीएम सिटीका पछिल्ला उत्पादन प्राप्त गर्न सक्ने केटीएम सिटीले जनाएको छ ।

पछिल्लो समय केटीएम सिटीले नेपाली खेलकुदमा समेत आफ्नो सहयोग र सहकार्य विस्तार गर्दै आएको छ ।

केटीएम सिटी नेपाली राष्ट्रिय फुटबल टिमको मुख्य किट प्रायोजक हो । यस्तै मनाङ मर्स्याङ्दी क्लबको किट प्रायोजक समेत हो ।

त्यसबाहेक केटीएम सिटीले भलिबल, क्रिकेट, ब्याडमिन्टन, फुटसल सहित विभिन्न खेलसँग सहकार्य गर्दै आएको छ ।