काठमाडौं । एसइइ थ्री बाइ थ्री बास्केटबल भोलि आईतबार सुरु हुने भएको छ । माम्बा स्पोर्ट्स सेन्टर बुद्धनगर काठमाडौंको सहयोगमा हुन लागेको प्रतियोगिता जेठ १४ र जेठ १६ गते सञ्चालन हुनेछ ।
एसइइ परिक्षा दिएर बसेका विद्यार्थीलाई लक्षित गर्दै प्रतियोगिता आयोजना गर्न लागिएको आयोजकले जनाएको छ । प्रतियोगितामा १६ टिम सहभागी हुने बताईएको छ । विजेता र उपविजेता टिमलाई ट्रफी सहित पुरस्कारको समेत ब्यवस्था गरिएको आयोजकले जनाएको छ ।
एसइइ दिएर बसेका विद्यार्थीमा रहेको क्षमता वृद्धि गर्न पूर्व राष्ट्रिय खेलाडी आशिष केसी र राजु महर्जनले प्रतियोगिताको आयोजना गरेका हुन् । प्रतियोगितामा सहभागी १६ टिमलाई ४ समुहमा विभाजन गरिएको छ ।
समूह एमा नव ज्योती स्कुल, टिम रितिक, काब्या स्कुल र टिम कर्मा छन् । समुह बीमा गेट वे स्कुल, टिम प्रकाश, ग्रान्ड स्कुल, विभुती पाठशाला छन् ।
समूह सीमा वाइएसीएन नेपाल, रिलायन्स इन्टरनेश्नल एकेडेमी, मनासोलु, युनाईटेड युनिभर्स छन् । समूह डीमा नखिपोट, आईएसए नेपाल, केएमसी स्कुल, टिम सिंह छन् ।
विद्यालय स्तरमा रहेका विद्यार्थीबीच सहकार्य गर्न र क्षमता वृद्धि गर्ने उद्धेश्यले पुरुष बास्केटबलको आयोजना गरिएको आयोजक टिमका सदस्य आशिष केसीले बताएका छन् ।
