काठमाडौं । नेपाल अटोमोबाइल्स संघ (नासा नेपाल ) को आयोजनामा टुडिखेल टु धुलिखेल साइकल र्याली शनिबार सम्पन्न भएको छ ।
नेपाल पर्यटन बोर्डको परिसर टुडिखेल बाट सुरु भएको साइकल र्याली दिउसो धुलिखेल बजार परिक्रमा गर्दै नगरपालिका पुगेको थियो ।
र्यालीमा ३ सय साइक्लिस्टहरुको सहभागिता रहेको थियो ।
साइकल लेन निर्माण, ऐन कानुनको परिमार्जन, आवश्यक बजेट बिनियोजन तथा साइक्लिस्ट सुरक्षा जस्ता बिषयको उठान गर्ने हेतुले साइकल र्याली आयोजना गरिएको नासा नेपालले जनाएको छ ।
साइकल कल्चर मुभमेण्ट नेपाल तथा धुलिखेल नगरपालिका समेतको साझेदारीमा र्यालीलाई डा. तारालाल श्रेष्ठ , इ. सुयोग खनाल , नासा नेपालका अध्यक्ष दशरथ रिसाल लगायतले सुभारम्भ गरेका थिए ।
-1736344782.jpeg)
