नाडालले इटालियन ओपन नखेल्ने

काठमाडौं । स्पेनिस टेनिस स्टार राफायल नाडालले इटालियन ओपन टेनिस नखेल्ने भएका छन् ।

नाडालले अर्को हप्ता सुरु हुने इटालियन ओपनबाट नाम फिर्ता लिएका छन् ।

'म रोममा हुन नसक्ने घोषणा गर्न पाउँदा धेरै दुःखी छु,' नाडालले भनेका छन् ।

फ्रेन्च ओपनमा पूर्ण फिट रहन नाडालले इटालियन ओपन नखेल्ने भएका हुन्   ।

फ्रेन्च ओपन यहिँ मे २८ मा सुरु हुँदैछ । नाडाल फ्रेन्च ओपनको साविक विजेता समेत हुन् ।

३६ वर्षीय नाडालले हिपको चोटका कारण जनवरीदेखि खेलेका छैनन् ।

२२ पटकको ग्रान्डस्लाम विजेता नाडालले पछिल्लो पटक अष्ट्रेलियन ओपन खेलेका थिए   ।

नाडाल अष्ट्रेलियन ओपनमा अमेरिकी खेलाडी म्याकडोनाल्डसँग पराजित भएका थिए ।