काठमाडौँ । आत्माराम सिम्खडाले बाह्रखरी कर्पोरेट गल्फ प्रतियोगिताको उपाधि जितेका छन् । गोकर्ण गल्फ क्लबमा शनिबार भएको प्रतियोगितामा ४१ अंक स्कोर गर्दै सिम्खडाले उपाधि उचालेका हुन् ।
स्टेबलफोर्ड फम्र्याटमा खेलाईएको प्रतियोगिताको उपाधिसंगै उनले माउन्टेन फ्लाईटको टिकट र गोल्ड बल प्राप्त गरे ।
प्रतियोगितामा बेस्ट ग्रसको उपाधी विजय श्रेष्ठ आइनहाउसले जिते । उनले काठमाडौं दुबईको एक थान दुईतर्फी हवाई टिकट प्राप्त गरे । प्रतियोगिताको उपविजेता भारत बस्ताकोटी भए । उनले ४० हजार रुपैयाँ बराबरको गिफ्ट प्राप्त गरे ।
महिलातर्फको उपाधी प्रतिमा शेर्पाले जितिन् । सिनियरतर्फ मेजर जनरल महेशबिक्रम कार्की विजयी भए । दुबै विजेताले जनही ३० हजार रुपैयाँ बराबरको गिफ्ट प्राप्त गरे ।
प्रतियोगितामा कसैले होल इन वान गर्न सकेनन् । १० औं होलमा होल इन वान गर्ने खेलाडीलाई टाटाको टिगोर एक्सई कार पुरस्कार राखिएको थियो ।
