काठमाडौं । मोरङको पथरी शनिश्चरेमा जारी सहिद रत्न कुमार बान्तावा स्मृति दोस्रो राष्ट्रिय बुद्धिचाल प्रतियोगिताको पाँचौ चरणको खेल सकिदासम्म पूर्व नेपाल च्याम्पियनद्वय बद्रीलाल नेपाली, नवीन तण्डुकार र प्रकाश चन्द्र नेपाल, सतप्रतिशत जित दर्ता गर्दै शीर्ष तीनमा रहेका छन् ।
दोस्रो दिनको पाँचौ चरणको खेलमा बद्रीलालले प्रदेश च्यम्पियन राजु सुबेदीलाइ हराए भने, नबिनले पुरुषात्तम चौलागाईंलाई हराए साथै प्रकाश नेपालले झापाकै खेलाडी सुमन श्रेष्ठलाई हराए।
त्यसै गरि स्थानीय खेलाडी लोकसागर साम्बा ४ जित र एक बराबरीको नतिजा निकाल्दै उपाधीमा दावेदारी प्रस्तुत गरेका छन् । साम्बाले तेस्रो चरणमा नेपाल च्याम्पियन पुरूषोत्तम चौलागाईँलाई बराबरीमा रोकेका थिए भने चौथो चरणमा १७९५ रेटेड चुडामणी कुलुङ राई पराजीत गरेका थिए ।
दोस्रो दिनको अन्तिम खेल पाँचौ चरणमा भने साम्बाले १७०७ रेटेड कमल मैनालीलाई पराजीत गरेका थिए । साम्बाले भोलि विहान छैटौँ चरणमा पूर्व नेपाल च्याम्पियन बद्रीलाल नेपालीसँग प्रतिस्पर्धा गर्नेछन् ।
२७ गतेसम्म चल्ने प्रतियोगिता कुल ९ राउन्ड को हुनेछ ।
-1736483840.jpg)
