सुनसरी । निजी तथा आवासीय विद्यालय अर्गनाइजेशन नेपाल (प्याब्सन) प्रदेश १ को आयोजनामा इटहरीमा प्याब्सन प्रसिडेन्ट रनिङ कप सुरु भएको छ ।
रनिङ कप अन्तर्गत प्याब्सन छात्र–छात्रा प्रेसिडेन्ट कप भलिबल र अन्डर फिप्टीन फुटबल प्रतियोगिता सुरु गरिएको छ।
दुई दिनसम्म चल्ने प्रतियोगिताको उद्घघाटन प्रदेश १ का उद्योग, पर्यटन, वन तथा वातावरण मन्त्री जीवन आचार्यले गरे । उद्धघाटन सत्रमा बोल्दै मन्त्री आचार्य खेलकुदलाई पर्यटनसंग जोड्नको लागि पहल गर्ने बताए ।
यस्तै कार्यक्रममा बोल्दै प्रदेश १ खेलकुद बिकास बोर्डका सदस्यसचिव हंशराज वाग्लेले स्थानिय सरकारले खेलकुदलाई प्राथमिकता दिन नसकेको गुनासो गरे ।
प्रेसिडेन्टकपमा प्रदेश १ का झापा, मोरङ, सुनसरी र उदयपुरमा भएका जिल्ला स्तरीय खेलकुदमा छनोट भएका टिमको सहभागिता रहेको छ ।
प्याब्सन प्रेसिडेन्ट कप भलिबल प्रतियोगितामा १३ वटा टिमको सहभागी छन । जसमा छात्रको सात वटा र छात्राको ६ वटा टिम सहभागी छन । फुटबल प्रतियोगितामा ६ वटा टिमकै सहभागिता रहनेछ ।
प्रतियोगिता अन्तर्गत फुटबल र भलिबलका क्वाटरफाइनल र सेमिफाइनल चरणका खेलहरु शुक्रबार नै सम्पन्न भएका छन ।
फाइनल खेल शनिबार हुनेछ । फुटबल प्रतियोगिताको विजेतालाई नगद २१ हजार नगद सहित ट्रफी, मेडल र प्रमाणपत्र प्रदान गरिनेछ । उपविजेता टिमलाई नगद ११ हजारसहित ट्रफी, मेडल र प्रमाणपत्र प्रदान गरिनेछ ।
भलिबलतर्फ छात्रछात्रा दुवै टिमको विजेतालाई नगद ३१ हजार सहित ट्रफी र मेडल प्रदान गरिने छ । उप विजेतालाई नगद २१ हजारसहित ट्रफी र मेडल प्रदान गरिने छ । तेस्रो हुने टिमलाई ११ हजार नगद सहित ट्रफी र मेडल प्रदान गरिने प्याब्सन प्रदेश १ का उपाध्यक्ष सुमित थापाले जानकारी दिए ।
-1736219298.jpg)
-1736215212.jpg)
-1736179870.JPG)
