काठमाडौं । तेस्रो संस्करणको फिफ्टिन्स ए साइड रग्वी लिग आइतबारबाट सुरु हुने भएको छ ।
नेपाल रग्बी संघले शुक्रबार पत्रकार सम्मेलनको आयोजना गर्दै प्रतियोगिता माघ २९ गतेबाट फागुन ६ गतेसम्म संचालन हुने जनाएको छ ।
त्रिपुरेश्वरस्थित दशरथ रंगशालामा आयोजना हुने प्रतियोगितामा ४ वटा क्लबहरुको सहभागिता रहने छ । जसमा हिमालयन टाइगर क्लब, आकाश भैरव क्लब, गोर्खाली रग्बीक्लब र त्रिभुवन आर्मी क्लब छन् ।
प्रतियोगिताका विजेता टोलीलाई ट्रफी, मेडल, सर्टिफिकेट र नगद पुरस्कारको व्यवस्था गरिएको छ ।
नेपालको इतिहासमा रग्बी खेल फिफ्टिन्स रग्बी प्रतियोगिता अर्न्तगत फिफ्टिन्स रग्बी लिग तेश्रो संस्करण हो ।
पहिलो राष्ट्रिय फिफ्टिन्स रग्बी प्रतियोगिता सल्लाघारी, भक्तपुरस्थित सैनिक विद्यालयको खेलमैदानमा भएको थियो । उक्त संस्करण त्रिभुवन आर्मी क्लबले उपाधि जितेको थियो ।
दोश्रो राष्ट्रिय फिफ्टिन्स रग्बी प्रतियोगिता मध्यपुर ठिमीस्थित मध्यपुर युथ क्लबको खेल मैदानमा भएको थियो । त्यस संस्करण गोर्खाली रग्बी क्लबले प्रथम उपाधि हात पारेको थियो ।
