अस्मिता वर्ल्ड वुमन्स बक्सिङ च्याम्पियनसिपका लागि छनोट

काठमाडौं । एचटुओकी अस्मिता दुवाल भारतमा आयोजना हुने इबा वर्ल्ड वुमन्स बक्सिङ च्याम्पियनसिपका लागि छनोट भएकी छिन् ।

नेपाल बक्सिङ संघले सातदोबाटोस्थित बक्सिङ कभर्डहलमा आयोजना गरेको छनोटबाट बिहीबार महिला फ्लाई लाईट वैट ५० केजी तौल समूहमा अस्मिता छनोट भएकी हुन् ।

अस्मिताले फाइनलमा नेपाल प्रहरीका दिवाना शेर्मालाई ३:२ अंक (स्पिलट डिसिजन) को आधारमा पराजित गर्दै छनोट भएको हुन्  ।

छनोट प्रतियोगिताबाट यस अघि मिनु गुरुङ, अन्जनी तेली,  चन्द्रकला थापा, संगीता सुनार र सरस्वती राना मगर छनोट भईसकेकी छिन् ।

त्यस्तै यू-२२ एशियन च्याम्पियनसिपमा रजत पदक विजेता सुस्मा तामाङ स्वतह छनोट भईसकेकी छिन् ।

च्याम्पियनसिप भारतको राजधानी नयाँ दिल्लीमा मार्च १३ देखि २७ तारिखसम्म आयोजना हुनेछ ।