ज्ञान निकेतन बास्केटबलको तयारी

काठमाडौं ।  ज्ञान निकेतन स्कुलको आयोजनामा २० औं ज्ञान निकेतन कप अन्तरविद्यालय बास्केटबल प्रतियोगिता फागुन ४ गतेदेखि हुने भएको छ ।

प्रतियोगितामा तीन समूहमा जम्मा २४ टिमको सहभागिता रहने ज्ञान निकेतनका प्रबन्ध निर्देशक विजयजित कुँवरले जनाएका छन् ।

सिनियर ब्वाइज, सिनियर गर्ल्स र जुनियर ब्वाइजमा समान ८–८ टिमले लिग कम नकआउट आधारमा प्रतिस्पर्धा गर्ने छन्।

नेपाल बास्केटबल संघको प्राविधिक सहयोगमा हुन लागेको प्रतियोगिताका खेलहरु शंखमूलस्थित आयोजककै कोर्टमा हुनेछ ।

विद्यालयस्तरको पुरानो प्रतियोगिता मध्येको एक ज्ञान निकेतनको दुई संस्करण कोरोना भाइरस        (कोभिड– १९) को जोखिमका कारण हुन नसकेको आयोजकले जनाएको छ । फाइनल फागुन ९ गते हुनेछ ।