काठमाडौं । एनएसजेएफ पल्सर स्पोर्ट्स अवार्ड-२०७८ अन्तर्गत पिपल्स च्वाइस विधाको मनोनयन सार्वजनिक भएको छ ।
नेपाल खेलकुद पत्रकार मञ्च (एनएसजेएफ) ले सोमबार पत्रकार सम्मेलन गर्दै मनोनयनमा परेका पाँच खेलाडीको नाम सार्वजनिक गरेको हो ।
मनोनयनमा पर्ने खेलाडीमा फुटबलका अन्जन विष्ट, क्रिकेटका आसिफ शेख, भलिबलकी उषा भण्डारी, टेनिसकी अभिलाषा विष्ट र पौडीकी डुवाना लामा रहेका छन् ।
एनएसजेएफको खेलाडी छनोट समितिले मनोनयनमा पर्ने ५ खेलाडीको नाम सार्वजनिक गरेको हो । पिपल्स च्वाइस विधाका विजेता खेल पत्रकार, राष्ट्रिय प्रशिक्षक र समर्थकको भोटिङबाट चुनिने छन् ।
पिपल्स च्वाइस विधाको लागि ईसेवाको मतभार ५० प्रतिशत रहेको छ । त्यसैगरी, सामाजिक सञ्जाल (फेसबुक लाइक) को मतभार २५ प्रतिशत, राष्ट्रिय प्रशिक्षकको मतभार १२ दशमलब ५ प्रतिशत र खेलपत्रकारको मतभार १२ दशमलब ५ प्रतिशत रहेको छ ।
काठमाडौं कमलादीस्थित प्रज्ञा भवनमा आयोजना हुने स्पोर्ट्स अवार्ड फागुन २३ गते हुनेछ । यस पटकको पल्सर स्पोर्ट्स अवार्ड २०७८ मा पिपल्स च्वाइस अवार्डसँगै ९ विधामा अवार्ड प्रदान गरिने छ ।
मनोनयनमा परेका खेलाडीको परिचय -
डुवाना लामा (पौडी)
– नवौं राष्ट्रिय खेलकुद प्रतियोगितामा ९ स्वर्ण, १ रजत पदक
– १३ औं दक्षिण एसियाली खेलकुद प्रतियोगितामा २ रजत र ३ कांस्य पदक
– आठौं राष्ट्रिय खेलकुद प्रतियोगितामा ६ स्वर्ण र ५ रजत पदक
– २०६४ सालदेखि निरन्तर पौडीमा सक्रिय सहभागिता
– फिना विश्व च्याम्पियनसिप २०१८, चीन
– हङकङ ओपन स्विमिङ च्याम्पियनसिप २०१८
– १९औं फिना विश्व च्याम्पियनसिप बुडापेस्ट २०२२
– सिंगापुर नेसन्स च्याम्पियनसिप,
– एसियन एज ग्रुप च्याम्पियनसिप
अञ्जन विष्ट (फुटबल)
– बंगलादेशविरुद्धको मैत्रीपुर्ण फुटबल खेलमा ह्याट्रिक । राष्ट्रिय टिमबाट ह्याट्रिक गर्ने छैटौं नेपाली खेलाडी
– राष्ट्रिय टोलीबाट ११ गोल गर्न सफल खेलाडी । सर्वाधिक गोलकर्ताको दौडमा तेस्रो स्थानमा रहन सफल । उनीभन्दा अगाडि नीराजन रायमाझी र हरि खड्कामात्र अगाडि ।
– सहिद स्मारक ए डिभिजन लिगमा
– पाकिस्तानविरुद्धको मैत्रीपूर्ण खेलमा निर्णायक गोल । उनको गोलबाट १४ वर्षपछि पाकिस्तानलाई हराउन सफल
– विश्वकप २०२२ तथा एएफसी एसियन कप २०२३ को छनोटअन्तर्गत समूह ‘बी’ मा चाइनिज ताइपेइविरुद्ध गोल
– १३ औँ साफ च्याम्पिन्सीसपमा श्रीलङ्का र बंगलादेशविरुद्ध गोल ।
– भारतको फुटबल लिगमा मुम्बई केन्क्रे एएफसीबाट व्यावसायिक फुटबल खेलेका ।
– मनाङ मस्र्याङ्दीका पूर्वकप्तान
– हाल चर्च ब्वाइज युनाइटेडसँग आबद्ध ।
अभिलाषा विष्ट (टेनिस)
– नेपालकी नम्बर एक महिला टेनिस खेलाडी
– आईटीएफअन्तर्गतका प्रतियोगितामा व्यावसायिक टेनिस खेलिरहेकी
– प्रोफेसनल टेनिस खेल्ने नेपालकी एकमात्र महिला खेलाडी ।
– त्रिभुवन आर्मी क्लबबाट खेल्दै नवौं राष्ट्रिय खेलकुदमा चारै स्वर्ण पदकमा क्लिनस्विप गर्दै कीर्तिमान । महिला टिम इभेन्ट, महिला एकल, महिला डबल्स र मिक्स डबल्समा स्वर्ण पदक ।
– वीर गणेशमान सिंह राष्ट्रिय ओपन टेनिसअन्तर्गत महिला एकलमा स्वर्ण
– १९औं माछापुच्छ«े बैंक राष्ट्रिय ओपन टेनिसको महिला एकलमा स्वर्ण
– पाकिस्तानमा भएको आईटीएफ वल्र्ड ¥याङकिङ प्रतियोगितामा महिला एकलमा रजत । महिला डबल्समा स्वर्ण
– आईटिएफ विश्व ¥याङकिङ प्रतियोतगा पोखरामा महिला डबल्समा स्वर्ण पदक
उषा भण्डारी (भलिबल)
– नेपाली राष्ट्रिय भलिबल टोलीकी महत्वपूर्ण सदस्य
– नेपालमा आयोजना भएको १३ औं दक्षिण एसियाली खेलकुद (साग) नेपाली महिला भलिबल टोलीले रजत जित्दा सदस्य । उनले यसै प्रतियोगिताबाट राष्ट्रिय टोलीमा डेब्यु गरेकी हुन् । उनले बंगलादेशविरुद्ध खेलेर डेब्यु गरिन् ।
– नेपाल सन् २०१९ मा बंगलादेशमा सम्पन्न एसियन सेन्ट्रल जोन भलिबल च्याम्पियन टिम बन्दाकी सदस्य । जतिबेला उनी १४ वर्षको उमेरमा थिइन् ।
– नेपालले २०२१ को डिसेम्बरमा दोस्रो पटक सेन्ट्रल जोन भलिबलको उपाधि जित्दाकी महत्वपूर्ण सदस्य ।
– घरेलु प्रतियोगिताहरू नेपाल पुलिस क्लबबाट खेल्ने ।
– माल्दिभ्समा फाल्कोन क्लबबाट सन् २०२२ मा व्यावसायिक प्रतिस्पर्धा
– एनभीए राष्ट्रिय महिला तथा पुरुष भलिबल च्याम्पियनसिपमा महिलातर्फ उत्कृष्ट खेलाडी घोषित
आसिफ शेख (क्रिकेट
– ट्वान्टी–ट्वान्टी अन्तर्राष्ट्रिय डेब्यु खेलमै अविजित अर्धशतक । नेदरल्यान्ड्सविरुद्ध ओपनर कुशल भुर्तेलसँग ११६ रनको साझेदारी । यो नेपालको उच्च ओपनिङमा उच्च साझेदारी ।
– एकदिवसीय अन्तर्राष्ट्रियमा नेपालको तेस्रो उच्च रनकर्ता (२३ खेलमा ५ अर्धशतक, ६५५ रन )
– ट्वान्टी–ट्वान्टी अन्तर्राष्ट्रियमा नेपालको पाँचौं उच्च रनकर्ता (२० खेलमा २ अर्धशतकसहित ४६८ रन )
– एकदिवसीय अन्तर्राष्ट्रियमा पहिलो र दोसं्रो विकेटको लागि उच्च साझेदारी । पहिलो विकेटका लागि कुशल भुर्तेलसँग ११४ रनको ( २०२२ मा ओमान विरुद्ध ) , दोश्रो विकेटको लागि ज्ञानेन्द्र मल्लसंग १२२ रनको ( २०२२ मा युएई विरुद्ध )
– केन्याविरुद्ध एकदिवसीय अन्तर्राष्ट्रियमा शतक (११० रन, २०२२ सेप्टेम्बर)
– प्रधानमन्त्री कप एकदिवसीय राष्ट्रिय प्रतियोगितामा शतक (कर्णाली प्रदेशविरुद्ध १३० रन )
– आईसीसीको एकदिवसीय अन्तर्राष्ट्रिय वरियताको शीर्ष १०० स्थानभित्र पर्न सफल
– युएईविरुद्ध घरेलु एकदिवसीय अन्तर्राष्ट्रिय सिरिजको निर्णायक तेस्रो खेलमा अविजित ८८ रन बनाउँदै प्लेयर अफ द म्याच
– स्कटल्यान्डविरुद्ध ऐतिहासिक एकदिवसीय अन्तर्राष्ट्रिय जितमा ७१ रन बनाउँदै प्लेयर अफ द म्याच (२०२२ जुलाई )
– केन्या भ्रमणअन्तर्गत तीन एकदिवसीय अन्तर्राष्ट्रिय सिरिजमा प्लेयर अफ द सिरिज घोषित ।
– सन् २०२३ मा आईसीसीको स्पिरिट अफ क्रिकेट अवार्ड जित्न सफल । यो अवार्ड पाउने पहिलो नेपाली खेलाडी ।
– २०२१ मा पपुवा न्युगिनीविरुद्ध एकदिवसीय अन्तर्राष्ट्रिय जित, २०२२ मा युएईविरुद्ध एकदिवसीय अन्तर्राष्ट्रिय सिरिज, २०२१ मा नेदरल्यान्डस र मलेसियाविरुद्ध ट्वान्टी–ट्वान्टी अन्तर्राष्ट्रिय सिरिज, २०२२ मा मलेसिया र पपुवा न्यु गिनीविरुद्ध टी–ट्वान्टी अन्तर्राष्ट्रिय सिरिज जित, २०२२ मा केन्याविरुद्ध टी–ट्वान्टी अन्तर्राष्ट्रिय सिरिज जित पाउँदाका सदस्य ।
-1732712797.jpeg)
