काठमाडौं । भारतमा आयोजना हुने आइबा विश्व महिला च्याम्पियनसिपका लागि राष्ट्रव्यापी खुला छनोट प्रतियोगिता आयोजना हुने भएको छ ।
नेपाल बक्सिङले सोमबार एक विज्ञप्ति निकाल्दै छनोट प्रतियोगिता हुने जनाएको छ ।
भारतको नयाँदिल्लीमा आयोजना हुने च्याम्पियनसिप मार्च १३ देखि २७ गतेसम्म हुनेछ ।
छनोट माघ २४ गतेबाट २६ गतेसम्म सातदोबाटोस्थित अन्तराष्ट्रिय खेलकुद परिषदको बक्सिङ हलमा हुनेछ ।
सन् १९८३ जनवरी १ तारिख देखि २००४ डिसेम्बर ३१ सम्म जन्मेका महिला खेलाडीले छनोट खेल्न पाउने छन् ।
प्रतियोगिताका लागि महिला ४८ केजी, ५० केजी, ५२ केजी, ५४ केजी , ५७ केजी, ६० केजी र ७५ केजीमा छनोट हुनेछ।
