बागमती प्रदेशबाट २१ कराते खेलाडी छनोट

काठमाडौं  ।  दोस्रो संस्करणको कृष्णप्रसाद भट्टराई स्मृति राष्ट्रिय कराते प्रतियोगिताका लागि बागमती प्रदेशबाट २१ खेलाडी छनोट भएका छन् ।

नेपाल कराते डो महासंघ चितवन शाखाले शनिबार प्रतियोगिताका लागि  महिला र पुरुषको  कुमुते र कातातर्फ २१ खेलाडी छनोट गरिएको जनाएको छ ।

पुरुष कुमुतेतर्फ साइमन श्रेष्ठ (५० केजी), इलोन श्रेष्ठ (५५ केजी), मनोज गुरुङ (६० केजी), निमा शेर्पा (६७ केजी), रोशन बलामी (७५ केजी), कृष्ण चौधरी (८४ केजी) र शेखर श्रेष्ठ (८४ केजी माथि) छनोट भएका छन् ।

यस्तै महिला कुमुतेतर्फ पार्वती गुरुङ (४५ केजी), सोनु श्रेष्ठ, (५० केजी), ममता गुरुङ (५५ केजी), उर्सला पहरी (६१ केजी), विनिता श्रेष्ठ (६८ केजी) र महिमा राई (६८ केजी माथि) छनोट भएका छन् ।  

पुरुष एकल कातामा रहोन जाबेद तथा टिम कतामा राजकुमार श्रेष्ठ, अृमत थोकर र मनीष कार्की छनोट भएका छन् ।

महिला एकल कातामा मिरा खाती तथा टिम कातामा सन्जु देसार, नानु शाक्य र सृजना महतरा छनोट भएका छन् ।

मुख्य प्रशिक्षकमा रामकुमार थारु र दुर्गा कुमाल तथा व्यवस्थापकमा मदन महर्जन रहेका छन् ।

कृष्ण प्रसाद भट्टराई स्मृति राष्ट्रिय कराते प्रतियोगिता माघ २६ देखि २८ गते सम्म सञ्चालन हुनेछ ।