विश्व पौडीमा नेपालका ४ खेलाडीले खेल्ने

काठमाडौं । चीनको ग्वाङ्जाओमा हुने १४ औ विश्व पौडी प्रतियोगितामा नेपालका ४ खेलाडीले सहभागिता जनाउने भएका छन् । ग्वाङजाओमा आगामी मंगलबारबाट सुरु हुने प्रतियोगितामा नेपालका ४ खेलाडीले विभिन्न स्पर्धामा सहभागिता जनाउने भएका हुन् ।

सुभम श्रेष्ठले ५० र सय मिटर ब्रेस्टट्रोकमा प्रतिस्पर्धा गर्नेछन् ।

अनुभव सुब्बामा ५० र सय मिटर बटरफ्लाई, टिसा शाक्यले ५० तथा सय मिनेट फ्रि स्टाईल तथा आयुश्मा तुलाधरले ५० मिनेट ब्रेस्टट्रोक र ५० बटरफ्लाई स्पर्धामा खेल्नेछन् ।

नेपाली टिमका मुख्य प्रशिक्षकमा ईश्वर कार्की रहेका छन् । त्यस्तै टिम लिडरमा महेश महर्जनले रहेका छन् । बिहिबार एक कार्यक्रमकाबीच राष्ट्रिय खेलकुद परिषदका उपाध्यक्ष पिताम्बर तिम्सिनाले खेलाडी तथा पदाधिकारीको बिदाई गरेका थिए ।