नवौं एलआरआई बास्केटबल तथा फुटसलको तयारी पूरा

काठमाडौं । नवौं एलआरआई बास्केटबल तथा फुटसल फेस्टको तयारी पूरा भएको आयोजक एलआरआई स्कुलले जनाएको छ ।

एलआरआई स्कुलले पत्रकार सम्मेलन गरी यहिँ माघ १३ देखि १९ सम्म हुन लागेको प्रतियोगिताको तयारी पूरा भएको जनाएको हो ।

राजधानीका १६ विद्यालयको सहभागिता रहने उक्त प्रतियोगिता लिक कम नकआउट प्रणालीमा सञ्चालन गरिने आयोजक स्कुलका प्रशासन प्रमुख दीपक जोशीले जानकारी दिए ।

प्रतियोगितामा प्रथम र द्वितीय हुने टिमलाई नगद, शिल्ड, मेडल तथा प्रमाणपत्र प्रदान गरिने आयोजकले जनाएको छ ।

प्रतियोगितामा विभिन्न विधाका उत्कृष्ट खेलाडीलाई विशेष सम्मान प्रदान गरिने ध्रुव खड्काले जानकारी दिए ।