एनएसएस कप अन्तर विद्यालय फुटबल र बास्केटबल हुने

काठमाडौं ।  नेसनल स्कुल अफ साइन्सेजको वार्षिकोत्सवको अवसरमा एनएसएस कप उपत्यकाब्यापी अन्तर विद्यालय फुटबल र बास्केटबल प्रतियोगिता आयोजना हुने भएको छ ।

कलेजले बुधबार पत्रकार सम्मेलन गर्दै ३० औं वार्षिकोत्सवको अवसरमा सेभेन ए साइड फुटबल र बास्केटबल प्रतियोगिता आयोजना गर्न लागिएको जनाएको छ ।

प्रतियोगिता माघ १३ गतेबाट २२ गतेसम्म आयोजना हुनेछ । प्रतियोगिताका खेलहरु भक्तपुर लोकन्थलीस्थित निस्ट स्कुलमा हुने आयोजकले जनाएको छ ।

बास्केटबल ब्वाइज तथा गर्ल्सको हुनेछ । फुटबल ब्वाइजको मात्र हुनेछ ।

बास्केटबलमा सेन्ट जेभियर्स स्कुल, भ्याली पब्लिक स्कुल, बौद्ध अन्तराष्ट्रिय स्कुल,जनप्रेमी स्कुल, इम्पेरीयल वर्ल्ड स्कुल,निस्ट ए,निशर्ग बाटिका स्कुल, त्रियोग स्कुल, काठमाडौं प्रज्ञाकुन्ज, बौद्ध एकेडेमी, कान्जिरोवा नेसनल स्कुल, निस्ट बी, दिक्षालय फाउन्डेसन, संस्कृति स्कुल र विद्या संस्कार स्कुलको सहभागिता रहेको छ ।

ब्वाइज फुटबलमा सेन्ट जेभियर्स,विद्या संस्कार स्कुल, जनप्रेमी स्कुल, बृहस्पति विद्या सदन, एभरेस्ट पब्लिक स्कुल, बौद्ध स्कुल,निस्ट, निशर्ग स्कुल, इम्पेरीयल स्कुल, जोन देवी स्कुल, राजश्री गुरुकुल र त्रियोग स्कुल रहेका छन् ।  

विजयी टोलीलाई ट्रफी, मेडल तथा प्रमाणपत्र प्रदान गरिने छ ।